GUTALAC, ZAMBOANGA DEL NORTE — Malampuson nga nahuman sa Local Government Unit sa Gutalac ug Municipal Disaster Risk Reduction and Management Council ang Incident Command System Executive Course nga gipahigayon sa Office of the Civil Defense.
Ang training kabahin sa pagpalig-on sa kahandam sa lungsod batok sa kalamidad, aron masiguro ang organisado ug episyenteng pagresponde sa mga emerhensya.
Gipasidunggan usab ang kalihokan sa pagbisita ni Regional Director Atty. Halanes, nga nagpakita sa padayon nga suporta ug lig-on nga koordinasyon tali sa nasyonal ug lokal nga panggamhanan.
Sumala sa LGU, ang maong lakang nagtumong sa paghatag og sapat nga kahibalo ug kahanas sa mga opisyales ug miyembro sa MDRRMC aron mas epektibong maatubang ang bisan unsang krisis.(JENNIFER JR. DELICA)
Sources: LGU Gutalac-Public Information