Nagpahimangno ang Cebu City Police Office sa publiko nga magbantay ug mag-amping panahon sa paghimo og mga transaksiyon sa kwarta, ilabi na ang pag-ihap sa dagkong kantidad sa kuwarta sa gawas sa bangko, ATM, o ubang pampublikong lugar.
Matod sa kapulisan, ang pagpakita og daghang kuwarta sa publiko mahimong makadani sa mga kriminal ug mahimong hinungdan sa kawat, tulis, ug uban pang ilegal nga binuhatan.
Giawhag usab sa kapulisan ang katawhan nga siguruhong matago dayon ang ilang kuwarta human sa pag-withdraw, magmatngon sa ilang palibot, ug mangayo og tabang sa mga security personnel o mga pulis kung gikinahanglan.
Dugang pa sa CCPO, dako ang papel sa publiko sa pagmintinar sa kalinaw ug seguridad pinaagi sa pagpalambo sa kahibalo ug pagsunod sa mga responsableng paagi sa paglikay sa krimen.
Nagpabilin ang kapulisan sa ilang panawagan nga magtinabangay ang komunidad aron mapalig-on ang kaluwasan ug proteksiyon sa tanang katawhan sa dakbayan.
Source: CCPO
I via Renante Socia Lada