Nagpalig-on ang Cebu City Police Office ubos sa pagpanguna ni Officer-in-Charge George V. Ylanan sa ilang operasyon atol sa selebrasyon sa Chinese New Year niadtong Pebrero 16–17, 2026. Ang operasyon nakatutok sa ilegal nga drugas, ilegal nga sugal, wanted persons, ug ilegal nga armas aron masiguro ang kalinaw ug kaluwasan sa tanan, labi na sa mga residente ug bisita sa siyudad.
Tungod sa maong operasyon, 16 ka tawo ang nadakpan tungod sa drogas, sugal, ug ilegal nga armas. Gidismantle usab ang pipila ka criminal groups sa lain-laing barangay, nga nakapugong sa dugang krimen ug nakaprotektar sa kabatan-onan.
Usa sa mga dakong nahimo sa kapulisan mao ang pagkasakmit sa ginadudahang shabu nga nagkantidad og ₱143,616.00 pinaagi sa Drug Enforcement Unit ug Police Stations Drug Enforcement Teams. Nasakmit usab ang 1 ka ilegal nga armas gikan sa armado nga suspek.
Gidakop usab ang 3 ka tawo nga adunay outstanding warrants of arrest, nga nagpakita sa determinasyon sa CCPO sa pagpatuman sa balaod ug pagsiguro nga manubag sa korte ang mga kriminal.
Matod ni PCOL Ylanan, padayon ang CCPO sa proactive ug community-oriented policing ug gihangyo ang publiko nga magmatngon ug ipahibalo dayon sa pinakaduol nga police station ang tanang kadudahang lihok o ilegal nga aktibidad aron mapadayon ang kalinaw ug kaluwasan sa siyudad.
Source: CCPO
I via Renante Socia Lada
#rpndykccebu