Nakahimo og kalampusan ang Cebu City Police Office (CCPO) sa ilang gihimong Sustainment Firing Proficiency Activity karong Hunyo 8, 2026, isip kabahin sa padayon nga training aron mapalambo ang kahibalo ug kahanas sa mga pulis sa paggamit og armas.
Gihimo ang maong aktibidad sa firing range nga gi-assign sa CCPO, ug gi-supervise kini sa mga certified range officers ug training personnel aron masiguro nga nasunod ang safety rules ug hustong pamaagi sa paghandle sa armas.
Sa pagsugod sa training, gihimo ang safety briefing diin gipahinumdoman ang mga pulis sa husto nga paggamit sa armas, pagsunod sa mga commands sa firing range, ug mga safety procedures kung adunay emerhensya.
Human niini, miagi ang mga personnel sa dry-fire drills ug sunod ang live-fire exercises diin ilang gisukod ang ilang abilidad sa pagtarget base sa accuracy, control, ug hustong pag-atubang sa target sa lain-laing distansya.
Gisulti sa CCPO nga ang maong training importante aron mas mapadayon ang disiplina, kaandaan, ug propesyonalismo sa mga pulis, aron mas masiguro ang kaluwasan sa publiko ug epektibong pagserbisyo sa katawhan sa Sugbo.
I via Renante Socia Lada