Naghimo og pre-assessment ang Cebu City Police Office (CCPO) kagahapon Agosto 25, 2026, alang sa mga barangay nga giandam para sa Barangay Drug Clearing Program (BDCP).
Gitambongan kini sa mga representante sa PDEA-7, DILG Cebu City, COSAP, mga opisyal sa barangay ug mga BDCP focal person. Tumong sa assessment nga susihon ang kahimtang sa mga barangay ug ang ilang mga kinahanglanon aron makasunod sa mga requirements sa drug-clearing program.
Sa pagkakaron, 41 ka barangay sa Cebu City ang drug-cleared, samtang 39 pa ang wala ma-clear. Pito niini ang gi-prayoridad alang sa sunod nga deliberasyon: Kamputhaw, Capitol Site, San Roque, Busay, Pung-ol Sibugay, Pulang Bato ug Sirao.
Gilauman nga ipresentar ang pito ka barangay sa Regional Oversight Committee on Barangay Drug Clearing Program sa Septiyembre 15, 2026. Ang CCPO mipasalig nga ipadayon ang paningkamot batok sa ilegal nga drogas uban sa tabang sa mga barangay ug ubang ahensya.
Gipasiugda usab sa CCPO ang importansya sa panag-uban sa mga ahensya ug aktibong partisipasyon sa komunidad aron mas daghang barangay ang mahimong drug-cleared.
📸 CCPO
I via Renante Socia Lada