Miapil ang Cebu City Police Office (CCPO), nga gipangulohan ni PCOL George V. Ylanan, Officer-in-Charge, sa 1st Quarter Calendar Year 2026 City Peace and Order Council (CPOC) Meeting nga gihimo niadtong hapon sa Enero 28, 2026, sa 9th Floor sa Executive Building sa Cebu City Hall.
Ang nagpasiugda sa maong miting mao si Hon. Paul G. Labra II, Chairperson sa Committee on Peace and Order and Public Safety. Gitambongan kini sa nagkalain-laing ahensya sa gobyerno, lokal nga buhatan, ug partner nga institusyon aron hisgutan ang mga isyu ug plano may kalabotan sa kalinaw ug kahapsay sa dakbayan sa Sugbo.
Lakip sa mitambong ang mga representante gikan sa barangay, SK Federation, NAPOLCOM, AFP, BJMP, BFP, City Prosecutor’s Office, DepEd, PDEA Region 7, ug lain-laing city offices sama sa City Health, City Engineering, City Social Welfare, City Environment, ug City Transportation Office, lakip usab ang mga sektor gikan sa negosyo ug civil society.
Sa miting, gipresentar ug giaprobahan ang agenda ug ang minutes sa miaging miting.
Gituki ang nagkalain-laing kabalaka bahin sa peace and order, lakip ang koordinasyon sa mga ahensya ug mga lakang aron mapadayon ang kaluwasan sa katawhan sa Cebu City.
Gipadayag sa CCPO ang ilang padayon nga komitment sa pagmintinar sa kalinaw ug kahapsay pinaagi sa lig-on nga panagtambayayong sa tanang ahensya ug stakeholders sa dakbayan, alang sa usa ka luwas ug malinawon nga Cebu City.
Source: CCPO
I via Renante Socia Lada
#rpndykccebu