Nadakpan sa mga operatiba sa Katipunan Municipal Police Station ang usa ka 46-anyos nga babaye atol sa gipakusgang kampanya batok sa mga wanted person sa Barangay Sitog, lungsod sa Katipunan.
Giila ang dinakpan nga adunay outstanding warrant of arrest tungod sa kasong Direct Assault, ubos sa Article 148 sa Revised Penal Code.
Sumala sa police report, ang pagdakop nahitabo human sa hapsay ug koordinadong law enforcement operation nga gipangulohan sa mga operatiba sa Katipunan MPS. Wala’y naitalang insidente atol sa pagpatuman sa warrant, ug malinawon nga nadala ang suspek sa kustodiya sa kapulisan.
Human sa hustong documentation ug booking procedure, ang nadakpan nga persona gibutang sa kustodiya sa Katipunan Municipal Police Station. Sa ulahi, siya gipagawas human makaposte og piyansa subay sa balaod alang sa dugang nga legal nga disposisyon sa iyang kaso.(IKEN B. GULLEM)
Source: Katipunan Municipal Police Station