Giila sa Cebu City Police Office ang City Mobile Force Company (CMFC) isip Best City Mobile Force Company ubos sa Police Regional Office 7 atol sa selebrasyon sa PNP Day 2026 sa Camp Sergio Osmeña Sr. karong Pebrero 23, 2026.
Ang award gidawat ni Force Commander PLTCOL Ferdinand M. Casiano, nga ang liderato ug dedikasyon dako kaayo ang kontribusyon sa operational excellence, disiplina, ug maayong performance sa pagpang-maintain sa kalinaw ug kahapsay sa Cebu City.
Dugang kalipay sa CCPO, si NUP Jessie Colis Ogao-ogao sa Police Station 8 ilawom sa supervision ni PCPT Wilmer M. Castillo giila usab isip Best Non-Uniformed Personnel, tungod sa iyang commitment, professionalism, ug suporta sa police operations ug administrative functions.
Ang maong pag-ila nagpakita sa paningkamot, teamwork, ug dedikasyon sa tanan nga uniformed ug non-uniformed personnel sa CCPO sa paghatag og kalidad nga serbisyo publiko ug sa pagpanalipod sa taas nga standard sa Philippine National Police.
Source: CCPO
I via Renante Socia Lada
#rpndykccebu