Usa ka dakong dungog ang nadala ni James Andrew H. Valendez sa Cansojong National High School human siyang nakakuha og 4th place sa Editorial Cartooning-English category sa bag-o lang nahuman nga 2025 National School Press Conference (NSPC).
Gipakita ni James ang iyang talento sa pagdibuho ug pamahayag pinaagi sa sining, nga nakahatag og inspirasyon ug garbo sa iyang tunghaan ug sa tibuok syudad sa Talisay. Siya giguyahan ug gi-amumahan sa iyang maabtikon ug masaligon nga coach, si Mr. Oscar Zabate, nga dako ang papel sa maong kalampusan.
Ang pagpakita ug pagdaog sa nasudnong kompetisyon dili sayon. Apan pinaagi sa kakugi, kahanas, ug gugma ni James sa sining, iyang napamatud-an nga ang kabatan-onan sa Talisay aduna gyud dakong potensyal.
Gipadayag sa lokal nga mga opisyal ug komunidad ang ilang kalipay ug suporta kang James, uban ang panawagan nga ipadayon niya ang paggamit sa sining aron mapukaw ang kahibalo ug solusyon sa mga isyu sa katilingban.
Source: Talisay City Mayor Sansam Gullas
I via Renante Socia Lada