Giklaro ni outgoing Cebu City Mayor Raymond Alvin Garcia nga wala’y presensiya sa Philippine Offshore Gaming Operators (POGO) dinhi sa syudad taliwa sa pagkasikop sa 17 ka mga langyaw nga nalambigit sa large-scale scamming.
Kini ang klarong pahayag ni Mayor Garcia human gipangutana siya kabahin sa operasyon nga gihimo sa National Bureau of Investigation (NBI) Region 7 niadtong Mayo 15, diin 17 ka mga Taiwanese nationals ang nadakpan sa Maria Luisa Estate Park.
“Definitely, this is not related to POGO. It’s just fraud. This is a new type of pangilad, new type of crime nga atong makita karon,” matod pa sa mayor.
Giklaro pa gyud ni Garcia nga ang mga suspek nagpanggamit lang sa Pilipinas isip venue sa ilang pagpangilad ug gituohang ilang mga biktima dili usab mga Pilipino.
“They’re just using the Philippines as a venue for them to do their sinister moves,” dugang pa niya.
Ang NBI 7 mi-report nga 16 lalaki ug usa ka babaye nga Taiwanese ang ilang nasikop atol sa maong operasyon.
I via Renante Socia Lada