Nakabsan sa kinabuhi kining usa ka kabaw human na kuryintihan sa linya sa Visayan Electric Company (VECO). Didto kini nahitabo sa Sitio Intosan, Barangay Adlaon, dakbayan sa Sugbo, pasado alas 9:00 kagahapon sa buntag Hulyo 25, 2024.
Ang maong kabaw gipanag iya nila ni Samuel Leyson ug Cerila Ardita, na mo presyo na unta kini og P40,000.00 ngadto sa P50,000.00.
Sa nasayran dugay na nga nagbitay ang linya sa VECO nga nadaot niadto pang tuig 2021 apan wala gihapon kini giayo nga ni resulta na hinuon sa kamatayon sa maong hayop. Sa ilang pagpa-blotter ilang giklaro nga ang live wire sa secondary line sa VECO nahug paingon sa lim-aw diin nag-imon ug tubig maoy nakakoryente sa kabaw, nga upat ka buwan nga mabdos.
Sa pagkakaron mudangop sila sa taga VECO aron mabayran ang gidangatan sa ilang hayop na kaabag nila sa panginabuhi. (Renante Socia Lada & Ting Joe Pepito)
(Source: Ramil Ayuman)