30.9 C
Manila
Friday, March 29, 2024

Cebu: Bongbong Marcos Mibisita Sa Sugbo; Mga Supporters Mihugop Sa Mandaue-Mactan Bridge Atol Sa Pag-Abot

- Advertisement -

Cebu City – Gihugopan sa mga supporters ni kanhi Senador Bongbong Marcos (BBM), ang 1st Mandaue-Mactan Bridge kinsa misugat sa iyang pag bisita sa Sugbo, Biyernes, Oktubre 22, 2021.

Sayo pa lang sa buntag nahimo nang rally venue sa mga supporters nga sagol mga millennials ug mga hingkod kinsa naka linya na sa pedestrian lane ibabaw sa bridge, dala ang streamers nga dunay hulagway ug pangalan ni BBM ug Sarah Duterte.

Si Marcos kinsa usa mga magpapili sa pagka presidente sa nasud sa Mayo 2022, National ug Local Elections, mi-anhi sa Sugbo aron maoy mangulo sa pagbukas sa ilang Headquarters.

Kaganinang buntag, nasigpatan sa DYKC News Team ang mga supporters nga nag singgit ug “Bongbong” sa maong tulay nga nag dugtong sa syudad sa Mandaue ug Lapu-Lapu.

Nakuhaan sab ug hulawagway si Bongbong sud sa sakyanan nga mi wave sa iyang “V”-hand sign ngadto sa mga supporters atol sa pag-agi niini sa bridge.

Lakip sa misuporta ang Cebuano Broadcast Journalist ug Alsa Bisaya personality Chito Aragon nga didto sa kalihukan.

“My humble representation and Sir Edgar Aque Catarongan Sr. of Hugpong para kay Bongbong,” mensahi ni Aragon pinaagi sa iyang Facebook Page.

Ang maong tulay gisugdan ug tukod sa tuig 1970 ug gibuksan Hulyo 4, 1973, panahon sa mitaliwan na nga kanhi Presidente Ferdinand Edralin Marcos, amahan ni Bongbong.

Kahinumduman nga ang Sugbo, panahon sa Martial Law, gikonsidera nga balwarte sa oposisyon, uban sa pipila ka mga personalidad nga naglakip nila kanhi Chief Justice Hilario Davide Jr., Inday Nita Cortez Daluz, Manlalaban Democrito “Mocring” Barcenas, Natalio Bacalso, Jose Ribomapil “Dodong” Holganza Sr. ug daghan pang mga kaubanan.

(News & photo courtesy of Alsa Bisaya, video courtesy by Jhon Tadlip)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -