Zamboanga del Sur – Gi turnover atol sa ika-62 nga Araw ng Barangay Deborok ang bag-ong covered court nga usa sa mga napundar nga proyekto gikan sa DPWH allocation sa Unang Distrito pinaagi ni Cong. Divina Grace Yu sa nasangpit nga barangay, adlawng Huwebes, Oktubre 21, 2021.
Matud ni Cong. Divina Grace Yu nga usa kini sa kalambuan sa maong Barangay nga arang mapahimuslan sa mga katawhan ilabi na kung adunay mga kalihukan.
Gitino usab ni Gov. Victor J. Yu nga sulod sa pipila ka katuigan nga milabay dili pa ensakto ang kausaban nga naangkon sa Barangay Deborok hinungdan nga kinahanglan tumanon og tinud-on ang ilang temang “Fly High, Dream High” aron mas maangkon pa ang dugang kalambuan sa pagpanguna sa ilang maabtikong Kapitan Roel Amban.
Gibutyag sa amahan sa lalawigan nga kinahanglan magkahiusa ang tanang katawhan sa Barangay ug dili maulaw nga muduol ug mangayu’g proyekto sa kagamhanang lokal alang sa pag-asenso niini. Nakita ni Governor Yu nga sulod sa 30 ka tuig wala pay laing nasemento nga dalan gawas sa napasemento nga dalan ni kanhing Mayor Arao.
Gilakbitan usab ni Gov. Yu nga sama sa gihimo ni Deputy Speaker Cong. Divina Grace Yu nga pagpasemento sa mga kadalanan, ila usab kining himuon sa Barangay Deborok aron dali ang pag-asenso sa barangay og sayon na lamang ang transportasyon sa mga katawhan.
(Source: ZDS Press Bureau, photo courtesy of Victory Zamboanga del Sur)
