Nag-host og thanksgiving party si Mayor Richie Uy sa municipal hall sa Godod niadtong February 11, 2026, isip pasalamat sa malampusong pagsaulog sa ika-44 Founding Anniversary sa lungsod niadtong February 8.
Dungan niini, gipahigayon ang libreng drug testing nga gidumala sa Scene of the Crime Operatives ug Philippine Drug Enforcement Agency, samtang ang Rural Health Unit sa Godod naghatag usab og libreng HIV testing alang sa tanang empleyado sa lokal nga panggamhanan.
Gipangulohan ang kalihokan ni Mayor Richie Uy kauban si Vice Mayor Roldan C. Molate ug mga miyembro sa Sangguniang Bayan, nga nagpakita sa ilang baruganan sa pagpalig-on sa disiplina, kahimsog, ug maayong pagserbisyo sa publiko.
Gipasabot usab sa lokal nga kagamhanan nga ang maong inisyatiba kabahin sa paningkamot sa munisipyo nga dili lamang magsaulog sa kalampusan kundili mag-una usab sa pagpanalipod sa kahimsog ug kaayohan sa mga empleyado ug komunidad.(JENIFFER JR. DELICA)
Source: Zamboanga del Norte Provincial News Network