Cebu: Blood letting gihimo sa Mandaue City College

Nagpalampuson kagahapong adlawa, Nobyembre 11, 2023, ang usa ka Blood Letting Activity nga gipasiugdahan sa Mandaue City College.

Ubay-ubay ka mga tinun-an sa maong tunghaan ang ni donar sa ilang dugo atol sa maong kalihukan. Aduna poy mga kawani sa LGU Mandaue ug mga pribadong indibidwal ang nagdonar sa ilang mga dugo.

Sa maong kalihukan sa MCC nakig-alayon usab ang Eastgate Maritime Corporation, Island Overseas Transport Corporation, ug Eastgate Group Maritime Allottees Association, Inc.

Niabag usab ang Department of Health (DOH-7) sa paghipos sa mga dugo aron maseguro nga dili kini madaot ug magamit sa umaabot panahon labi na sa emerhensya.  (Renante Lada, photo courtesy of Mandaue City PIO)