Cebu City – Gipaabot nga mosaka ang electricity rates sa Metro Cebu karong buwana tungod sa mahal nga presyo sa fuel gumikan sa nag padayon nga gubat tali sa Russia ug Ukraine.
Matod ni Engineer Raul Lucero, presidente ug chief operating officer sa Visayan Electric nga sa ilang projection dunay pag umento sa generation cost nonot sa pagsaka sa demand sa coal sa Asya.
“As to how much, we still don’t know. We’re waiting for the billing statement from our suppliers,” mensahi ni Lucero.
Nagkanayon si Lucero nga ang coal suppliers gikan sa Uropa, kinsa grabeng apektado sa gubat tali sa Russia ug Ukraine, nagsugod na ug source gikan sa Asya, partikular na sa Indonesia, nga maoy nag-unang supplier sa coal-fired pants sa nasud.
Ang Pilipinas nag import ug mokabat 75 porsento sa panginahanglan sa coal gikan sa Indonesia ug Australia.
Suma pa ni Lucero nga ang Visayan Electric nangita ug pamaagi nga labing maka “cushion the impact” sa pagsaka sa presyo sa kurente sa ilang mga konsumidor.
“Hopefully, we can manage the increase. One of the solutions we’re considering is to take advantage of the lower prices of WESM (Wholesale Electricity Spot Market) during off-peak [hours],” pasabot ni Lucero.
Nahimo ang WESM ubos sa Republic Act 9136, o ang Electric Power Industry Reform Act of 20001, isip centralized venue sa mga buyers ug seller to trade electricity as commodity, diin ang presyo gi determine basi sa actual demand ug supply.
Ang Visayan Electric nagkuha sa ilang energy requirement gikan sa coal-powered plants sa Visayas grid.
Sa labing menus 19 ka mga coal-fired plants sa nasud, lima ang naa sa Visayas nga naglakip sa Toledo Power Corp sa syuda sa Toledo; Kepco-SPC Power Plant sa syudad sa Naga; Cebu Energy Development Corp., nga naa sab sa Toledo; Aboitiz Therma Visayas Inc. sa Toledo ug Panay Energy Development Corp. Coal Power Plant sa La Paz, dakbayan sa Iloilo.
99 porsento nang na restored
Ang projected rate increase mitumaw sa dihang ang Metro Cebu, franchise area sa Visayan Electric, nagsugod na unta ug recover gikan sa kadaut nga gibilin sa bagyong “Odette”, nga miigo sa daghang bahin sa Visayas ug Mindanao niadtong Disyembre sa miaging tuig.
Nakapabalik na sa kurente ang utility company sa ilang franchise area, diin daghan sa mga konsumidor ang naghuwat ug pipila ka buwan nga matauran kini ug power supply.
Gipahibaw ni Lucero nga miabot na sa 99 porsento ang nabalikan na ug kurente sa ilang franchise area as of Sunday.
Duna na lay labing menus pila ka libo sa hilit nga kabarangayan ang wala pa mapasiga sa Visayan Eletric gumikan sa kalisod sa pagdala sa ilang ekipo ug mga poste sa maong mga lugar.
Lakip sa aduna nay kurente ang mga tunghaan sa Metro Cebu nga gamiton isip polling centers .
Sigon pa ni Lucero nga ang Visayan Electric mipasalig nga dunay kurente sa mga polling centers tulo ka adlaw sa dili pa ang election sa Mayo ug sa pagkahuman niini.
Ang Visayan Electric maoy ika-duha sa labing dako nga power distributor sa Pilipinas nga dunay kapin sa 400,000 ka mga subscribers gikan sa mga syudad sa Sugbo, Mandaue, Talisay ug Naga ug sa mga lungsod sa Minglanilla, Liloan, Consolacion ug San Fernando.
via Jhon Tadlip
Source/Photo: Visayan Electric