Mangnamnama ni INWAD General Manager Mr. John Teodoro a napinpintas ton iti serbisio ti danum iti ili a Pinili ken Badoc apaman a maipan iti linya ti Ilocos Norte Electric Cooperative a mangpawerret iti baro a pump station ti INWAD.
Kunana nga iti agdama pimmintasen iti supply a danum nupay generator pay laeng ti maar aramat ngem saanen a kas iti dati ti panagproblema dagiti umili.
Inpalgakna nga iti ili a Paoay ket makapaspasar da pay laeng iti panagkamtud ti supply a danum ngem ikarkarigatan iti management ti INWAD a mapasayaat iti kabiitan a panawen.
Kabayatan na. iti met ili a Piddig, inlawlawag ni Mr. Teodoro a manipud Bimmanga agingga iti rangtay a paset ti Callu sa ket dimmanonen iti transmission line ti INWAD.
Kunana nga apaman a makali iti bangir ti kalsada iti sentro ti Piddig ken maipan dagiti dadakkel a tubo ken dadduma pay a kasapulan a ramit a maikonektar iti linya ti INEC, masulbar ton iti panagkurkurang ti danum kangrunaan na iti paset na ti barangay Cabaruan.
Impasingked met ti General Manager a nagtalinaed pay laeng iti singir ti danum iti INWAD kadagiti water concessionaires.
Kunana a saan na met a mababalaw dagiti water stations a nangipangato iti presyo dagiti lako da a danum no ti rason da ket gapu ta ngimmato met iti singir ti prime water iti kada cubic meter.
Nupay kasta, mamati ti General Manager ti INWAD a saan a daytoy ti rason no di ket gapu ta ngimmato met iti singir ti INEC ken bayad ti gasoline.
Author: Rod Sadian
Source: PGIN
