Nikutlo og usa ka kinabuhi ang nahitabong sunog kaganihang kadlawon, didto sa Sitio Barbajo, Barangay Talamban, siyudad sa Sugbo.
Ang alarma sa sunog nadawat sa Cebu City Fire Station pasado alas 2:21 sa kadlawon, Hunyo 4, 2024, nasaka kini sa unang alarma pagka alas 2:23 ug napawong pagka alas 2:29.
Tulo ka balay ang apiktado sa maong sunog nga ni danyos og P300,000.00
Sa imbestigasyon sa kabomberohan nasayran nga atol sa ilang pagkumbati sa sunog aduna silay nakit-an nga unod ug bukog sa balay nga naugdaw.
Sa pagsusi na, nasayran nga ang maong napaig mao si Nathan Jade Villamor, 10 anyos ang panuigon, grade 5.
Nahibaw-an nga ang maong bata nag inusara ra atong higayuna kay nilakaw ang iyang inahan nga posibling wala kagawas sa pag ulbo sa kalyo na maoy hinugdan nga nasunog kining buhi.
Sa pagkakaron ang kabomberohan padayon pa nga nag imbestigar sa hinungdan sa maong sunog. (Renante Socia Lada | Ting Joe Pepito)