Wala nay kinabuhi nga napalgan ang usa ka bata human naanod sa sapa.
Pasado alas 9:00 kagahapon sa buntag, Hunyo 10, 2023, nakit-an kini didto sa Guadalupe River, siyudad sa Sugbo.
Ang biktima giila sa Abella Police Station nga mao si Alexander Cadorna, 6 anyos ang panuigon, residenti sa Sitio Ipil-Ipil, Barangay Capitol Site, siyudad sa Sugbo.
Mahinumduman nga una kining na missing niadtong adlaw na Biyernes, Hunyo 9, 2023.
Sa inbestigasyon sa kapulisan nasayran nga ang bata mao lang usa nabilin kay ang amahan namaligya og mga pagkaon samtang ang inahan niini nitambong sa graduation sa lain nilang anak.
Duda sa kapulisan na naanod kini samtang nagduwa sa naasoy na sapa.
Sa pagkakaron gihimo pa ang dugang inbestigasyon may labot sa pagka missing sa usa bata nga napalgan nalang na wala nay kinabuhi. (Renante Lada, photo credits to the owner)