Nabugtuan sa kinabuhi ang 6-anyos nga batang babaye human kini napaakan og banakon o King Cobra didto sa Barangay Mahayag, kagahapon Martes, Disyembre 10, 2024.
Giila ang biktima nga si Rain Heart Madrigal, 6-anyos ug residente sa maong lugar.
Sigon sa kasayuran gikan sa tagtungod nga naghipos kini ang biktima sa mga hinayhay sa likod sa ilang balay dihang kalit kining gipaak sa banakon.
Gidali pagdala sa iyang pamilya ang bata sa ospital apan gideklarar kini nga dead on arrival (DOA) ug ang epekto sa venom ang gituohang hinungdan sa iyang hinanaling kamatayon.
Samtang napatay ra usab sa mga silingan sa biktima ang maong banakon nga may gitas-on nga duha ka metros.
| via Renante Socia Lada