Sa ulahi nga update sa inbestigasyon nga gihimo sa Naga City Police Station nasayran nga nikawat sa pikas linya ang motorsiklo nga gisakyan sa duha ka mga biktima nga nakalas.
Giila ang mga nangamatay nga sila si Klyde Morchie Rosada, 18 ayos ang panuigon ug Koshua Canceran, hingkod ang panuigon, puros sila lumulupyo sa Barangay Bairan, siyudad sa Naga, probinsya sa Sugbo.
Nahitabo ang aksidenti didto sa Nasudnong  karsada sa Barangay Langtad, sa susama nga dakbayan, pasado alas 4:00 kagahapon sa kadlawon, Nobyembre 19, 2023.
Walo usab sa 17 ka mga Taiwanese nga sakay sa tourist bus ang naangol atol sa maong panagbangga.
Nasayran nga ang bus nga gimaniho ni Richard Varga, 49 anyos ang pangidaron, na taga Barangay Danlag, lungsod sa Consolacion nagbiyahi paingon sa lungsod sa Oslob sa dihang pag abot na nila sa naasoy nga lugar nagkabangga ang bus sa motorsiklo.
Gituhuan usab nga posibling nakainom ang nagmaniho sa motorsiklo nga nikawat sa pikas linya nga giagian sa tourist bus. (Renante Lada, photo credits to the owner)
