Wala natagbaw sa ilang kumbati imabaw sa kama ang bana uban sa iyang kabit human naabot ang mga pulis.
Pasado alas 2:00 kagahapon sa hapon, Hulyo 1, 2023, gipang dakop ang mga mabudhi-on didto sulod sa usa ka Lodging House nga nahimutang sa Sitio Tungasan, Barangay Valladolid, siyudad sa Carcar.
Ang suspetsado na bana nagpanuigon og 54 anyos, construction worker, residenti sa Brgy. Bolinawan, dakbayan sa Carcar.
Samtang ang suspetsado usab na kabit nagpanuigon og 51 anyos, nagpuyo sa Barangay Poblacion sa mao ra nga siyudad.
Segon ni PSSgt. Raymond Amance sa Carcar Police Station na mga pasado 1:05 sa hapon sa maong adlaw nidangop sa ilang buhatan ang 54 anyos na asawa aron sa pagpangayo og tabang.
Matud pa nasundan sa asawa ang iyang bana nga adunay giangkas sa iyang motor og nanulod sa usa ka Inn sa maong lugar.
Daling ni respondi ang kapulisan og na aktuhan gyud na atua didto sulod ang bana ug ang kabit niini.
Nagtupis pa ang suspetsado na babaye nga na aktuhan sa asawa nga biktima.
Nasayran usab nga ang suspetsado nga bana adunay mga anak sa iyang asawa.
Sa pagkakaron giandam na ang tukmang kaso batok sa duha ka mga suspetsado nga malu-ibon sa ilang pamilya. (Renante Lada, photo courtesy of Carcar Police Station)