Cebu City – Aprobado na sa House of Representatives ang Bill nga mag establish ug special economic zone sa Lungsod sa Medellin, ug paghimo ug Cebu Fourth District Special Economic Zone Authority.
Si Cebu Fourth District Representative Janice Salimbangon maoy nag sponsor sa House Bill No. 10233 nga na transmit na sa Senado niadtong Septembre 28, 2021.
Ang pagmugna ug special special economic zone sa fourth district taud taud na kining gidamgo ni late Congressman Benhur Salimbangon, kinsa maoy district representative sud sa 12 ka tuig, ug gipadayon kini sa iyang kapikas nga si Janice.
“Kung ana na ang economic zone sa distrito, kini makahatag ug daghan nga oportunidad sa pagpanrabaho, negosyo ug uban pa nga panginabuhian ug kalamboan sa tibuok distrito,” matod ni Salimbangon.
Niadtong Hulyo 31, 2019, gi file ni Salimbangon ang House Bill No. 3239, ug gi refer kini sa House Committees on Economic Affairs, Trade and Industry, Appropriations ug Ways and Means.
Pagka Septembre 16, 2021, gi rekomendar sa committees ang pag approve sa House Bill No. 10233, nga nag substitute sa House Bill No. 3239, nga gi co-authored sa laing 77 ka mga representatives.
Septembre 27, 2021, dihang gi botohan sa 190 ka mga kongresista kinsa pabor sa maong balaudnon, samtang unom ang misupak.
Matod ni Salimbangon nga sa tibok lalawigan sa Sugbo, ang ika-upat nga distrito maoy labing haum sa katukuran sa special economic zone.
“The district has all the economic factors and qualifications required of a viable economic zone. It has the widest stretch of flat land, a very rich land resource. It has a seaport in almost all of its component municipalities and city. It is likewise capable of producing literate, educated, skilled workers,” pasabot ni Salimbangon.
Ang katukuran sa special economic zone sa distrito nakita nga tool alang sa pag decongest sa nagka dako nga populasyon sa highly urbanized areas sa Sugbo.
Gidugang ni Salimbangon nga ang creation sa special economic zone sa fourth district sa Cebu, kadtong mga professionals ug ubang mga kwalipikadong indibidwal sa lugar ug sa mga silingan nga kalungsoran, dili na mangita pa ug trabaho sa ubang lugar.
Gitinguha nga ang maong special economic zone mag encourage, promote, induce ug accelerate sound ug balanced industrial, economic ug social development.
Gipaabot nga maka mugna kini ug mga trabaho, labi na kadtong naa sa rural areas, maka lambo sa productivity ug sa ilang tagsa tagsa ka family income.
Dugang niini ang pag kabig ug legitimate ug productive nga langyaw mo bubu sa ilang mga puhonan.
(News & photos courtesy of House of Representatives via Rep. Janice Salimbangon)
