Nadakpan ug napriso ang usa ka 23 anyos nga bagger sa usa ka dakong mall sa Barangay Mabolo, Dakbayan sa Sugbo, human gikawat ang usa ka kahon sa condom nga nagkantidad og kapin ₱300 niadtong Martes sa gabii, Enero 6, 2025.
Giila ang suspek sa alyas nga “Erick.” Matud sa mall security, nasakpan siya samtang mogawas na unta sa mall human makita nga gitago sa iyang bag ang kahon sa condom nga wala bayari.
Sa iyang depensa, matud pa sa suspek nga natintal lang siya ug na-curious, ug gusto lang unta niyang masuta kon epektibo ba ang maong produkto kon gamiton.
Human sa insidente, gidala dayon sa guwardiya ang suspek ngadto sa kapulisan. Karon, detanggong na siya sa selda samtang desidido ang tagdumala sa mall nga mopasaka og kaso batok kaniya tungod sa pagpangawat.
Padayon pa ang imbestigasyon sa kapulisan kabahin sa maong panghitabo.
I via Renante Socia Lada