Mibisita si Atty. Jose Ermie A. Monsano, ang bag-ong Regional Director sa National Bureau of Investigation Region 7 (NBI-7), sa Police Regional Office 7 (PRO7) sa Camp Sergio Osmeña Sr., Cebu City kagahapon Marso 30, 2026.
Ang maong pagbisita usa ka “courtesy visit” aron mag-istorya ang duha ka ahensya bahin sa ilang operasyon ug paagi sa mas lig-on nga panagtambayayong aron mapadayon ang kalinaw ug kahapsay sa Central Visayas.
Gihisgutan usab nila ang mas maayong koordinasyon tali sa PRO7 ug NBI-7, ilabina sa pagpalig-on sa seguridad ug pagpaayo sa ilang mga operasyon. Apil sa ilang nasabutan ang mga pagpangandam alang sa umaabot nga ASEAN Summit karong Mayo.
Si PBGen. Maranan nagpasalamat sa pagbisita ug giingon nga importante kaayo ang lig-ong panagtinabangay sa mga ahensya sa gobyerno aron mapanalipdan ang katawhan.
Sumala niya, pinaagi sa padayon nga komunikasyon ug kooperasyon, mas dali nilang matubag ang mga isyu sa seguridad sa rehiyon.
Gipasiugda usab niya nga ang maong panagtigum nagpalig-on sa ilang tinguha nga masiguro ang kaluwasan sa tanang residente sa Central Visayas.
Source: PRO7 PIO
I via Renante Socia Lada