Wala nay kinabuhi nga niabot sa tambalanan ang usa ka babaye nga natagakan sa bato atol sa iyang pagmaniho sa motorsiklo.
Nahitabo kini pasado alas 10:00 sa buntag Nobiyembre 11, 2024, didto sa Sitio Palanas Barangay Inayagan, Siyudad sa Naga, Sugbo.
Ang biktima giila sa Naga City Police Station na mao si Jaymica Fabular, 30 anyos ang panuigon, dalaga, taga lungsod sa Tuburan, Sugbo.
Sa imbestigasyon nasayran nga gikan nag duty ang biktima sa usa ka processing zone sa dihang natagakan kini sa dako nga bato nga niigo sa iyang motorsiklo.
Natumba kini ug nalagpot ang biktima na maoy hinungdan sa grabing kadaot sa lawas niini ug wala nagdugay nabugtuan sa kinabuhi.
Ang lokal nga kagamhanan nagsusi pa sa maong lugar aron pagtino kung luwas pa ba kini agi-an sa mga mga drayber. (Renante Socia Lada)