Usa ka 40-anyos nga babaye ang anaa sa kritikal nga kahimtang human kini gipusil sa Sitio Magpalacir, Barangay Hipodromo, Cebu City pasado alas 7:00 sa gabii niadtong Sabado.
Ang biktima giila nga si Divina Borja, may kapuyo, ug giingong gidudahan nga police asset. Base sa blotter sa Mabolo Police Station, si Borja giatake sa suspetsado nga si Miller Monquez, usa ka residente sa Hipodromo ug bag-ong laya gikan sa Cebu City Jail tungod sa kasong may kalabotan sa iligal nga drogas.
Sa inisyal nga imbestigasyon sa kapulisan, gituohan nga ang pagkaduda nga police asset si Borja ug ang iyang kapuyo maoy hinungdan sa ilang pagkabikil sa mga badlungon sa ilang dapit.
Ang suspek misibat human sa insidente ug kasamtangang gipangita sa mga otoridad. Padayon ang imbestigasyon aron masuta ang motibo sa krimen ug aron madakpan ang responsable.
I via Renante Socia Lada