Nahagba gawas sa ilang balay ang usa ka babaye human pusila sa wala matino nga suspetsadong lalaki.
Ang pagpamusil nahitabo pasado alas 5:00 kagahapon sa hapon, Oktobre 22, 2023, didto sa Sitio Magay, Barangay Tangke, siyudad sa Talisay.
Ang biktima giila sa Talisay City Police Station nga mao si Josephine Bazar, 57 anyos ang panuigon, residenti rapud sa maong lugar.
Sa inbestigasyon sa kapulisan nasayran nga samtang padung na mupauli ang biktima nga gikan nag deliver sa iyang negosyo na leche plan gisundan kini og gipusil.
Nahagba ang biktima gawas sa ilang balay human naigo sa ulo sa nag inusara nga gunman.
Sa pagkakaron ang kapulisan naghimo pa og dugang inbestigasyon ug ila usab ipaubos sa background check si Bazar kung wala ba kini gikaaway o kaha gikalambigit nga illegal nga binuhatan. (Renante Lada, photo credits to the owner)