Nasikop sa kapulisan sa Police Station 6 sa Cebu City Police Office (CCPO) ang usa ka lalaki tungod sa ilegal nga pagpanag-iya og pusil human sila mitubag sa report bahin sa usa ka armadong tawo sa Barangay San Nicolas Proper, Cebu City, sa gabii sa Hulyo 26, 2026.
Sa operasyon, narekober gikan sa suspetsado ang usa ka Smith & Wesson .357 Magnum nga revolver nga adunay duha ka buhing bala. Wala siya makapakita og lisensya o legal nga dokumento nga nagtugot kaniya sa pagpanag-iya ug pagdala sa maong armas.
Human sa pagdakop, gidala ang suspetsado sa Police Station 6 diin kini karon gipabilin samtang giandam ang kaso batok kaniya tungod sa paglapas sa Republic Act 10591 o ang Comprehensive Firearms and Ammunition Regulation Act.
Sumala sa Cebu City Police Office ubos sa pagpanguna ni Acting City Director PCOL Ricky C. Sumalde, magpadayon ang kapulisan sa hugot nga pagpatuman sa balaod batok sa ilegal nga pagtag-iya og armas aron mapadayon ang kalinaw ug kaluwasan sa mga lumolupyo sa siyudad.
I via Renante Socia Lada