Paspas nga aksyon sa kapulisan sa Cebu City Police Office (CCPO) maoy hinungdan sa pagkadakop sa usa ka armadong lalaki sa Brgy. Sambag II, Cebu City niadtong Mayo 26, 2026, alas 8:10 sa gabii.
Nasayran nga nakadawat og tawag ang City Tactical Operations Command (CTOC) sa CCPO bahin sa giingong armadong tawo sa maong lugar. Human sa report, dali nga miresponde ang mga pulis aron susihon ang sitwasyon ug mohimo sa hustong aksyon.
Pag-abot sa kapulisan, ilang nasakpan ang suspetsado nga adunay gidalang usa ka Black Widow caliber 9mm revolver nga adunay duha ka buhing bala. Sa dihang gipangayoan siya og mga dokumento o permit alang sa armas ug mga bala, napakyas siya sa pagpakita niini.
Tungod niini, gidakop dayon ang suspetsado tungod sa paglapas sa Republic Act No. 10591 o ang Comprehensive Firearms and Ammunition Regulation Act.
Human sa pagdakop, gidala ang suspetsado sa Cebu City Police Office alang sa hustong dokumentasyon ug karon gitanggong sa Cebu City Detention Facility samtang gihulat ang pagpasaka sa kaso batok kaniya sa korte.
Matod sa CCPO, ang malampusong operasyon nagpakita sa paspas ug lig-ong paningkamot sa kapulisan ubos sa pagpanguna ni PCOL George V. Ylanan aron mapadayon ang kalinaw ug kaluwasan sa komunidad.
I via Renante Socia Lada