Nadakpan ang usa ka 35-anyos nga lalaki sa mga pulis sa Labangon tungod sa ilegal nga paghupot og armas niadtong Pebrero 26, 2026, sa Sitio Rivaridge, Barangay Tisa, Dakbayan sa Sugbo.
Sumala sa Cebu City Police Office, mitubag dayon ang mga personnel sa Labangon Police Station 10 ubos sa pagpangulo ni PMAJ Marvin B. Fegarido, ilawom sa pagdumala ni Cebu City Police Office Director PCOL George V. Ylanan, human makadawat og reklamo bahin sa alarma ug eskandalo ug pagdala og pusil ang suspetsado.
Gi-report sa amahan sa lalaki ang insidente ngadto sa kapulisan. Pag-abot sa mga pulis, nasakpan ang suspetsado nga nagkupot og usa ka improvised shotgun o “pugakhang” nga adunay usa ka buhing bala. Wala siya makapakita og legal nga papeles nga nagtugot sa pagpanag-iya sa maong armas.
Gipahibalo ang suspetsado sa iyang mga katungod sumala sa balaod ug karon anaa sa kustodiya sa Labangon Police Station 10 samtang gihimo ang pagpasaka sa angay nga kaso batok kaniya, kabahin sa kampanya sa Philippine National Police batok sa ilegal nga armas ug kriminalidad.
Source: CCPO
I via Renante Socia Lada