Nakadakop ang Argao Municipal Police Station og usa ka armadong tawo tungod sa illegal possession sa firearm sa sayong kabuntagon sa Martes, Pebrero 4, 2026 sa Barangay Anajao, Argao, Cebu.
Ang suspek, nga nailhan sa alyas nga “Nado,” usa ka 39-anyos nga walay trabaho ug residente sa Barangay Anajao, nadakpan human sa report nga adunay armado nga tawo nga abaa sa maong lugar nga nakahatag og hulga sa mga residente.
Pag-abot sa lugar, nadiskobrehan sa mga pulis nga nagdala gyud og armas ang suspek. Pinaagi sa verification ug maayong tactical intervention, nadakpan ang suspek walay insidente ug luwas ang tanan.
Girekober gikan sa suspek ang 1 ka 5.56 caliber revolver ug 6 ka buhi nga bala sa samang caliber.
Gipasaka na ang kaso batok kaniya base sa Republic Act No. 10591 o ang Comprehensive Firearms and Ammunition Regulation Act, ug ipailalom sa korte.
Gidayeg ni PCOL Abubakar Udang Mangelen Jr., Provincial Director sa Cebu Police, ang dali ug epektibong aksyon sa mga pulis.
Ang malampusong pagdakop nagpakita sa kamatngon ug kahingawa sa Argao Police sa seguridad sa publiko ug sa paghatag og malinawon nga palibot alang sa mga residente.
Source: CPPO
I via Renante Socia Lada