Nakadawat og tabang sa pag-ayo sa ilang mga balay ang 30 ka PNP personnel nga naapektuhan sa 6.9-magnitude nga linog, pinaagi sa humanitarian initiative sa Rotary Clubs sa Bacolod, Victorias, ug Escalante ubos sa District 3850 nga gitawag “Isangdaang Piso Para sa Bogo.” Gipahigayon ang turnover sa Camp Don Pedro Rodriguez, Bogo City Police Station, niadtong Nobyembre 29, 2025.
Ang maong inisyatiba nga may tema “Together for BOGO: Rebuilding Lives, Restoring Hope,” nagtinguha sa pagmobilisar sa tanang Rotary Clubs sa District 3850 sulod sa 15 ka adlaw nga fundraising campaign aron mutabang dayon sa mga komunidad ug PNP personnel nga grabeng naigo sa kusog nga linog sa amihanang bahin sa Sugbo. Ang linog mihimo og dagkong kadaut, apil na ang mga balay sa pipila ka mga responders.
Atol sa turnover ceremony, ang mga opisyal sa Rotary Club of Bacolod nga gipangulohan ni President Amelyn Bravo ug Vice President Leilani Alba, uban sa mga representante sa Rotary Clubs sa Victorias ug Escalante, mitunol og 30 ka gift vouchers nga nagkantidad og ₱15,000 matag usa para sa house repair materials. Pinaagi sa paningkamot sa tulo ka Rotary Clubs ug pakig-alayon sa Police Regional Office 7 pinaagi sa OLC Foundation Inc., malampuson nga natuman ang inisyatiba uban sa tabang sa Director for Police Community Relations, aron masiguro ang hapsay ug dali nga pag-abot sa tabang ngadto sa pinaka nagkinahanglan.
Sa mensahe ni Regional Director PBGEN Redrico A. Maranan, nga gibasa ni PCOL Enrico E. Figueroa, Chief of Regional Staff, iyang gipasalamatan ang dakong suporta sa mga donor.
“PRO7 is profoundly grateful for your generous donations. This initiative truly provides essential support and instills hope during this extraordinarily difficult period.”
Source: PRO7 PIO
I via Renante Socia Lada