Patay ang usa ka 24-anyos nga habal-habal driver nga si Christian Caparida Basalo human kini gitigbas sa iyang amahan nga si Reny Boy Traya Basalo, 45-anyos, usa ka construction worker, tungod sa kainit sa ilang panagbangi.
Ang insidente nahitabo kagahapon, Nobyembre 24, 2024, didto sa Purok Comon 2, Barangay Cogon, dakbayan sa Naga, Sugbo.
Base sa imbestigasyon sa kapulisan nasayran nga nagkasumpaki ang amahan ug anak, nga niresulta sa kalagot ni Reny Boy na nikuhag sundang ug tigbas sa iyang anak na si Christian.
Gidala pa sa tambalanan ang biktima apan gideklarar kini nga dead on arrival.
Nagpadayon karon ang imbestigasyon sa kapulisan aron mahibal-an ugat sa maing krimin. (Renante Socia Lada and Ting Joe)
(Source: CCPO)