Pasakahan og kasong kalapasan sa RA 9165 o Comprehensive Dangerous Drugs Act of 2002 ug RA 10591 o Comprehensive Firearms and Ammunition Regulation Act karong adlawa ang usa ka 25-anyos nga High Value Individual (HVI) nga nadakpan sa mga operatiba sa Abellana Police Station, Cebu City Police Office.
Ang suspek nailhan nga si Jhayrow Aostria, 25 anyos, taga Brgy. Sambag 1, Cebu City, walay trabaho, adunay kaipon, ug Grade 7 nga estudyante. Kanhi siya nadakpan tungod sa kalapasan sa Section 5 ug Section 11 sa Comprehensive Dangerous Drugs Act nga may kalabutan sa pagpamaligya ug paghupot og ginadiling drugas.
Subay sa imbestigasyon, kaniadto giserbihan na siya og search warrant, apan nakalikay kini sa mga kapulisan.
Sa pinakabag-ong operasyon, nakuhaan siya og 15 gramos sa gituohang shabu ug usa ka kalibre .45 nga armas de fuego nga adunay tulo ka buhing bala. (Renante Socia Lada and Ting Joe Pepito)
(Source: CCPO)