Usa ka amahan ug ang iyang 10-anyos nga anak ang nakabsan sa kinabuhi human maaksidente samtang nagsakay sa motorsiklo sa National Highway, Barangay Media Once, Toledo City, niadtong Enero 21, 2026 sa hapon.
Sumala sa Toledo City Police Traffic Enforcement Unit, ang amahan, 40-anyos, misulay og overtake sa usa ka traktor, apan nasaghid ang motorsiklo sa kilid sa dalan. Tungod niini, natagak ang bata samtang ang amahan nalagpot sa sementadong karsada.
Ang kusog sa bangga nagresulta nga naangol ug grabeng samad ang duha ka biktima.
Gidala dayon sila sa Toledo City General Hospital aron matambalan, apan gi-deklarar nga dead on arrival sa ospital tungod sa grabeng kadaut sa lawas.
Gipahibalo sa kapulisan nga padayon ang imbestigasyon aron masuta ang hinungdan sa aksidente ug aron mapalambo ang seguridad sa dalan sa lugar.
I via Renante Socia Lada