Nagplano ang Cebu Provincial Government og usa ka environmental summit aron hisgutan ug mapangitaan og solusyon ang mga problema sa kalikupan sa probinsya.
Sumala ni Assistant Provincial Administrator Aldwin Empaces, ang summit magtapok sa mga representante sa national ug local government, advocacy groups, ug private sector aron hisgutan ang mga isyu sama sa future solutions sa climate proofing ug uban pang environmental concerns.
Ang summit gi-target nga ipahigayon sa ikatulong semana sa Pebrero ug pagtuki usab sa waste-to-energy (WTE) solutions, human sa trahedya sa Brgy. Binaliw landfill. Matod ni Empaces, kinahanglan gyud hisgutan ang WTE bisan pa sa mga reservations aron makakita og solusyon.
Ang WTE technology naglihok pinaagi sa pag-convert sa dili na marecycle nga basura—sama sa plastics, papel, ug garden waste—into energy pinaagi sa incineration, gasification, pyrolysis, ug anaerobic digestion, nga makapamenos sa volume sa landfill ug makaproduce og kuryente.
Niadtong Enero 21, nakigkita si Governor Pamela Baricuatro kang Jonji Madara, presidente ug CEO sa MetPower Venture Partners, ang ikatulong proponent sa WTE solution sa Cebu. Ang posibleng lokasyon sa proyekto, kon mapadayon, mao ang Balili property sa Capitol sa Siyudad sa Naga, southern Cebu, matod ni Empaces.
Source: Cebu Province PIO