Abri na ang Pasko sa Kapitolyo 2025: Agri-Fishery Trade Fair sa luyo sa Executive Building sa Kapitol, diin gipakita ug gibaligya ang nagkalain-laing agri ug fishery products gikan sa nagkadaiyang lungsod ug siyudad sa probinsya.
Adunay mga booth nga giandam sa mga LGU ug pribadong negosyante nga nagbaligya og preskong isda, gulay, prutas, ug uban pang lokal nga produkto.
Gipangunahan ni Vice Governor Glenn Soco ang ribbon-cutting ceremony alang kang Governor Pamela Baricuatro. Miapil usab ang pipila ka Provincial Board Members ug si DILG Cebu Director Jesus Robel Sastrillo Jr.
Ang trade fair magpadayon gikan Disyembre 15 hangtod Disyembre 19, Lunes hangtod Biyernes. Tumong niini nga mapadali sa mga molupyo sa Metro Cebu ang pagpalit og maayong kalidad nga produkto gikan sa nagkadaiyang dapit sa probinsya.
Source: Cebu Province PIO
I via Renante Socia Lada