Naka-ani og daghang pagdayig sa mga Mandauehanon ang adbokasiya nga “Aidan Cares” nga gipasiugda sa usa ka Dean ug negosyanti sa Siyudad sa Mandaue.
Si Dean Daniel “Aidan” Cañete Pepito, lumad nga taga Dakbayan sa Mandaue, naila nga educator sa mga dagkong unibersidad ug nanag iya sa mga patigayon. Gidayig ug gipasalamatan sa mga Mandauehanon tungod sa iyang kinasing-kasing nga pagtabang sa kadaghanan nga wala naghuwat og balos.
Si Pepito, bisan sa iyang pagka private individual wala kini nagpanuko pagpaabot og tabang sa tanang nagkinahanglan kay matod pa niya iyang gipaambit ang mga grasya nga iyang nadawat gikan sa Ginoo.
Nasayran usab nga nagtubo nga working student si Pepito og naningkamot nga makalampos sa pagtungha aron makatabang sa uban.
Sa mga kabarangayan sa Dakbayan sa Mandaue naila si Dean Pepito nga dali maduolan ug matinabangon sa isig katawo.
Nahibaw-an nga si Dean Pepito usa ka aspirant nga magpapili pagka konsehal sa Siyudad sa Mandaue sunod tuig nga naila na kaayo sa tanad sa pagka maluluy-on. Tinguha niya nga mapalambo pa ang dekalidad sa edukasyon, systema sa pagdumala sa mga Mandauehanon ug daghang mga pagtabang sa katilingban.
Naghinaot si Dean Daniel uban “Aidan Cares” nga ning kapaskuhan puy-an ang gugma, panaghiusa ug pagtinabangay sa matag usa. (Renante Socia Lada and Ting Joe Pepito)