Gidakop sa kapulisan ang usa ka abogado human kini masikop pinaagi sa warrant of arrest sa Zone 3, Canduman Housing, Mandaue City alas 5:55 sa kagahapon sa hapon Abril 7, 2026.
Ang suspetsado usa ka lalaki, minyo, ug residente sa Tres de Abril Street, Labangon, Cebu City.
Sumala sa Mandaue City Police Office kon MCPO gidakop ang akusado sa hiniusang operasyon sa Tracker Team, DEU, ug Mobile Patroller PS-6 pinaagi sa warrant of arrest alang sa kasong estafa. Ang maong warrant may piyansa nga ₱20,000.
Ang warrant gi-isyu ubos sa Criminal Case No. DU-53197 ug gipirmahan ni Hon. Marc Joseph A. Quirante, Presiding Judge sa Regional Trial Court Branch 88 sa Mandaue City niadtong Nobyembre 10, 2025.
Base sa kapulisan, ang pagdakop nahimong posible tungod sa usa ka intelligence-driven enforcement operation nga gisugdan pinaagi sa tip o impormasyon nga ilang nadawat. Samtang gisiguro sa mga otoridad nga ipadayon ang ilang kampanya batok sa mga naglikay sa balaod.
Source: MCPO
I via Renante Socia Lada