Pito ka mga lalaki ang nadakpan tungod sa gituohang illegal fishing sa kadagatan sa Barangay Doong, Bantayan, Cebu niadtong Septiyembre 15, 2026.
Nasikop ang mga suspek, lakip ang kapitan, mekaniko ug mga crew sa fishing boat, atol sa joint operation sa Bantayan Municipal Police Station ug Bantay Dagat.
Nakuha usab sa mga awtoridad ang ilang commercial fishing boat nga nailhang “likos” ug duha ka kahon sa nagkalain-laing isda nga mokabat og ₱3,000 ang kantidad.
Ang pito ka suspek anaa na sa kustodiya sa pulis ug atubangon ang kaso tungod sa gituohang paglapas sa Republic Act 10654 o balaod nga nag-amendar sa Philippine Fisheries Code.
📸 CPPO
I via Renante Socia Lada