Mukabat sa 563 ka indibidwal ang nadakpan sa nagkadaiyang operasyon sa Cebu Police Provincial Office o CPPO isip kabahin sa Safer Cities Initiative kagahapong adlawa Septiyembre 18, 2026.
Gihimo ang 355 ka operasyon sa tibuok probinsya. Sa 563 nga nadakpan, 393 ang gipabayad og multa samtang 170 ang gipasidan-an ug gipagawas. Mokabat sa ₱214,400 ang nakolektang multa.
Lakip sa mga paglapas ang pag-inom ug pagpanigarilyo sa pampublikong lugar, paglaag sa dalan nga walay sanina sa ibabaw, paglapas sa curfew sa mga menor de edad, ug paggamit sa karaoke lapas sa gitugot nga oras. Pinakadaghan ang traffic violations nga mikabat sa 393 ka kaso.
Matud ni CPPO Provincial Director PCOL Abubakar Udang Mangelen Jr., ang operasyon dili lamang pagdakop sa mga molapas sa ordinansa kundili pagpalambo usab sa disiplina ug pagsunod sa mga lagda aron masiguro ang kalinaw ug kaluwasan sa mga komunidad.
📸 CPPO
I via Renante Socia Lada