Naluwas sa mga sakop sa PNP Anti-Cybercrime Group (ACG) ang usa ka 7-anyos nga batang babaye, nga gitawag og alias “Joy”, nga nabiktima sa online sexual abuse ug exploitation didto sa Pardo, Cebu City niadtong Hunyo 13, 2025, alas 12:30 sa udto.
Ang operasyon gihimo sa Regional Anti-Cybercrime Unit 7 (RACU 7) uban sa koordinasyon sa City Social Welfare and Development (CSWD) Cebu City, human madawat ang usa ka reklamo nga may kalabotan sa online abuse.
Human sa pagluwas, gihatod dayon ang biktima ngadto sa CSWD-Cebu City alang sa psychological assessment, evaluation, ug hustong interbensyon aron matabangan siya og mabalik sa maayong kahimtang.
Padayon usab nga gimonitor sa imbestigador ang online activity sa bata alang sa posibleng pagpalig-on sa kaso ug aron mapangitaan og hustisya ang nahitabo.
Gipadayag ni Brigadier General Bernard R. Yang, Acting Director sa PNP Anti-Cybercrime Group, ang iyang pagpasalamat sa mga mihimo sa kalampusan sa maong operasyon.
Matod pa, dili niya tugotan ang bisan unsang matang sa pag-abuso sa mga bata, online man o dili. Ang PNP ACG magpadayon sa pagpangusog aron maprotektahan ang kabataan ug masiguro nga luwas ang digital nga kalibutan para nila.
Source: PNP-ACG
I via Renante Socia Lada