Sa tulo ka adlaw nga operasyon ang Police Regional Office 7 (PRO7) batok sa ilegal nga pusil ug sugal sa Central Visayas, miresulta kini sa pagkasikop sa 69 ka tawo ug pagkasakmit sa 31 ka pusil gikan Pebrero 13 hangtod 15, 2026.
Lakip sa nasakmit nga pusil ang duha ka 9mm pistols, usa ka .45 caliber, 17 ka .38 revolvers, 9 ka .22 revolvers, ug duha ka improvised firearms, uban sa usa ka explosive device. 13 sa nadakpan gidakop pinaagi sa warrant, police response, ug buy-bust operations.
Sa ilawom sa Oplan Katok, unom ka expired nga pusil ug 84 ka bala boluntaryo nga gisumiter sa kapulisan, nagpamatuod sa mas maayo nga pagsunod sa balaod sa mga rehistradong tag-iya sa pusil.
Sa operasyon batok sa ilegal nga sugal, 56 ka tawo nadakpan, kadaghanan gikan sa illegal number games, ug sabong.
Nasakmit usab ang ₱9,605 nga pusta. Ang tanan nga 39 ka kaso gisang-at na sa korte.
Matod ni Redrico Maranan, PRO7 Director, “This campaign demonstrates PRO7’s zero-tolerance approach toward loose firearms and illegal gambling. We will continue aggressive, intelligence-driven operations to protect communities, prevent violence, and uphold peace and order in Central Visayas.”
Gidayeg sa PRO7 nga magpadayon sila sa pagsunod sa balaod ug pagmintinar sa luwas ug malinawon nga rehiyon.
Source: PRO7 PIO
I via Renante Socia Lada