Nadakpan sa Cebu Police Provincial Office o CPPO ang 649 ka tawo tungod sa lain-laing paglapas sa lokal nga ordinansa sa tibuok Cebu kagahapong adlawa Agosto 24, 2026.
Sa 309 ka operasyon, 446 ang gipamulta ug 203 ang gipasidan-an ug gipagawas. Mikabat sa ₱241,850 ang total nga multa.
Nag-una ang Toledo City sa pinakadaghan og nadakpan nga 82, gisundan sa Carcar City nga 53 ug Talisay City nga 34. Sa mga lungsod, nag-una ang Carmen nga 40, Balamban nga 36 ug Dumanjug nga 23.
Matod sa CPPO, padayon ang operasyon aron mapugngan ang mga paglapas ug mapadayon ang kalinaw, kahapsay ug kaluwasan sa mga komunidad sa Cebu.
I via Renante Socia Lada