Gihatagan og PNP Heroism Medal (Medalya ng Kadakilaan) ang 51 ka mga pulis gikan sa Police Regional Office 7 (PRO7) tungod sa ilang kaisog ug paningkamot nga pagserbisyo sa eleksyon sa Bangsamoro Autonomous Region in Muslim Mindanao (BARMM).
Gipahigayon ang seremonyas sa pagkahatag og pasidungog atol sa flag raising ceremony sa Camp Sergio Osmeña Sr., Cebu City, Hunyo 2, 2025, kauban ang ilang contingent commander nga si Police Captain Kyle E. Villanueva.
Ang maong mga pulis mitabang isip Special Electoral Boards alang sa Commission on Elections (COMELEC) gikan Abril 25 hangtod Mayo 29, 2025, bisan pa man sa risgo sa ilang kinabuhi.
PBGEN Redrico A. Maranan, Regional Director sa PRO7, mipasidungog sa ilang sakripisyo: “Your accomplishments reflect personal excellence and the shared strength and determination of the entire Team Police Regional Office 7. Let your hard work serve as an inspiration to your fellow officers—that dedication, discipline, and integrity do not go unnoticed. Continue to lead by example and raise the standard of service we offer to our communities”.
Kini nga pasidungog nagpakita sa lig-on nga katuyoan sa mga pulis sa PRO7 nga magserbisyo sa katawhan, bisan pa sa kalisod ug kakuyaw.
Source: PRO7
I via Renante Socia Lada