Dako ang kalampusan sa Police Regional Office 7 (PRO7) sa ilang kampanya batok kriminalidad human madakpan ang 434 ka mga wanted nga tawo sa rehiyon sa tibuok bulan sa Hulyo 2025.
Sumala sa PRO7, gikan Hulyo 1 hangtod 31, nadakpan ang 102 ka Most Wanted Persons (MWPs) ug 332 pang laing mga wanted tungod sa nagkalain-laing kaso. Nakab-ot kini pinaagi sa panaghiusa sa mga yunit sa kapulisan sa rehiyon.
Sa 102 ka MWPs nga nadakpan, 36 ang gilangkuban sa regional level, 38 sa provincial level, 8 sa city level, ug 20 sa municipal level. Kini nga operasyon uyon sa mando sa Chief PNP nga tukion ug dalhon sa hustisya ang mga kriminal nga nagtago-tago.
Matod ni PBGEN Redrico A. Maranan, Regional Director sa PRO7, “Ang bawat pagkakaaresto ay tagumpay ng hustisya at mensahe sa mga nagtatago—wala kayong takas. Hahanapin namin kayo at pananagutin sa batas.
Padayon ang PRO7 sa ilang paningkamot nga maprotektahan ang katawhan ug mapadayon ang kalinaw sa Central Visayas.
Source: PRO7-PIO
I via Renante Socia Lada