25.3 C
Manila
Tuesday, February 27, 2024

Cebu: 400 units Yolanda permanent housing project sa NHA ug Borbon LGU nga mibalor ug P116M wala pa mahuman dul-an sa siyam ka tuig human miigo ang super typhoon

- Advertisement -

Cebu City – Gipaabot pa sa mga housing beneficiaries, stakeholders ug mga konstituwente sa Lungsod sa Borbon Cebu kon kanus-a mahuman ug ma kompleto ang 400 ka mga units sa National Housing Authority (NHA) Yolanda Permanent Housing Project (YPHP) alang sa mga nabiktima sa bagyong Yolanda nga nagbilin ug dakong danyos labi na sa norte sa lalawigan sa Sugbo niadtong tuig 2013.

Visit RPN DYKC Cebu

Dul-an sa siyam ka tuig na human sa super typhoon Yolanda wala pa gihapon mahuman ug ma turn-over ngadto sa mga beneficiaries ang ₱ 116 milyones nga proyekto sa Barangay Tagnucan pinaagi sa NHA tali sa Local Government Unit (LGU) sa Lungsod sa Borbon.

Nasuta ang housing site ug na obserbahan nga gitugkan na ug mga sagbot ug hapit na malibon, nangataya na ang mga kabilya, ubay ubay sa mga parti sa istraktura ang nanga guba ug nanga gabuk gumikan ka expose sa uwan ug init ang mga gipangtukod nga kabalayan.

PAGKAHUNONG SA PROYEKTO UG ANG LAKANG SA LGU UG SA NHA

Gi post sa Borbon-Office of the Mayor Facebook, Marso 28, 2022, ang mensahi kalabot sa update sa maong proyekto:

“ Ang pagtukod sa 400 housing units nga gihatag sa National Housing Authority diha sa Barangay Tagnucan Borbon Cebu nga ang kinatibuk-ang pundo/kwarta sa maong proyekto wala gi-download sa panudlanan sa atong lungsod. Ang paagi sa pagbayad ngadto sa contractor mag agad basi sa ilang progress billing ug human sa pag-aprobar sa National Housing Authority. Sa pagkakarun nakabayad na ang LGU segun sa approval sa National Housing Authority sa first progress billing sa contractor nga equivalent to 28 percent of work accomplishments,” mensahi gikan sa Borbon-Office of the Mayor sa Social Media.

Giangkon niini nga nahunong ang maong proyekto ug gipahibaw ang rason ug ang lakang sa LGU ug sa NHA.

“Nahunong ang maong proyekto tungod kay wala nila matuman ang paghuman sa maong proyekto base sa estimated target of completion nga naa sa kontrata. Sa pagka karon, naghimo na ug lakang ang LGU ug ang National Housing Authority aron mahuman ang maong proyekto,”, mensahi sa Borbon-Office of the Mayor.

BACKGROUND SA PROYEKTO

Gikan sa Borbon-Office of the Mayor Facebook, pinitsahan ug Agosto 18, 2017, gipahigayon ang Memorandum of Agreement (MOA) signing tali sa LGU pinaagi ni Borbon Mayor Noel T. Dotillos ug sa NHA alang sa 400 houses Yolanda Permanent Housing Project (YPHP) nga mikantidad ug P116 milyones.

Gipahibaw sa NHA 7, pinitsahan ug Nobembre 6, 2019, ang panagtagbo sa taga NHA 7 tali sa Borbon Cebu LGU officials labot sa status sa project development ug NHA fund downloading alang sa 400 housing units sa YPHP

Mitambong sa maong tigom si NHA Region 7 Manager Engr. Gino Figuracion, NHA District Manager Engr. Constancio Antiniero ug Borbon Cebu Mayor Noel T. Dotillos.

ISSUES UG CONCERNS

Gawas sa wala mahuman sa estimated target of completion, naa pay dugang mga issues ug concern sa housing project.

Dunay mga mipadangat sa ilang concerns labot sa drainage issue ug ang patubig.

Dugang pa ang kalayo sa maong proyekto gikan sa simbahan, merkado ug eskwelahan.

PIPILA KA MGA PROYEKTO SA NHA 7 NGA NA TURN-OVER

March 8, 2022, gipahigayon ang Turn-over of Keys ngadto sa mga beneficiaries sa 1000 Housing Units sa Lanao Unity Park Homes sa Daanbantayan, Cebu, gikan sa NHA 7, gi representahan ni Regional Manager Engr. Hermes Jude G. Juntillo ug mga kaubanan, ubos sa YPHP

Marso 7, 2022 gipahigayon ang disengagement ug turn-over sa 2,104 ka Yolanda Housing Titles ngadto sa Daanbantayan LGU, pinaagi ni Mayor Sun J. Shimura gikan sa NHA 7-District Office pinanguluhan ni OIC Engr. Dante Estrobo ug mga kaubanan.

Hulyo 29, 2021, gi turn over ang 450 ka unit sa YPHP sa Balai Bantayan Phase 2 sa Munisipalidad sa Bantayan Cebu ug MOA signing sa pagtukod sa Covered Court ug Mini Market.

Niadtong Abril 20, 2021, dunay 1,000 ka mga fully completed Housing Units ang gi turn over ngadto sa beneficiaries sa Sto. Nino Homes, sa Maricaban, Santa Fe, Cebu, pinaagi sa NHA 7.

Ang bagyong Yolanda miigo sa Kabisay-an niadtong Nobembre 8, 2013, nga mikutlo ug gatosan ka mga kinabuhi, miguba sa mga kabalayan ug nagbilin ug dakong danyos sa pananom ug mga binuhing kahayupan. (Jhon Tadlip)

(News & photos courtesy of National Housing Authority 7 Facebook page | Borbon-Office of the Mayor Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -