Usa ka 40 anyos nga lalaki ang namatay human pusila sa usa ka 80-anyos nga tigulang sa Purok 2, Liptong, Valencia, Negros Oriental, pasado alas-12:20 sa kadlawon niadtong Abril 2, 2025.
Ang biktima naila nga si Gaspar, 40, ulitawo, ug ex-boyfriend sa pag-umangkon sa suspek nga si Peter, 80, minyo, parehong nagouyo sa nasangpit nga lugar.
Sumala sa Valencia Municipal Police Station, nadawat nila ang report sa insidente alas-12:30 sa kaadlawon gikan sa usa ka nagpakabana nga lungsoranon. Pag-abot sa mga otoridad sa lugar, ilang naabtan ang biktima nga nagliho sa kaugalingong dugo atubangan sa kwarto sa suspek ug wala nay kinabuhi.
Ang anak sa suspek maoy nakasaksi sa panghitabo, nga misangpot sa dali nga pagdakop sa 80-anyos nga tigulang.
Sa nasayran nga ang biktima mitext sa pag-umangkon sa suspek aron makigkita ug makig-uban og tulog. Tungod niini, nagkita sila sa gawas sa balay ug dayon misulod sa lawak aron mohigda.
Samtang natulog sa pikas katre, nakabantay ang 80-anyos nga suspek nga adunay laing tawo nga nakig-uban sa iyang pag-umangkon.
Sa pagtuo nga kini usa ka kawatan, iyang gipangita ang iyang .22 caliber nga armas ug dayon gipusil sa biktima nga miresulta sa iyang kamatayon.
I via Renante Socia Lada