Gilamoy sa kusog na kalayo ang 30 ka mga balay didto sa Upper Tingub, Barangay Tingub, siyudad sa Mandaue.
Ang alarma sa sunog nadawat pasado 8:25 kagabii, Pebrero 3, 2024.
Sa inbestigasyon sa kapulisan ug kabomberohan nasayran na nagsugod ang sunog sa balay ni Sammy Benigay, hingkod ang panuigon.
Matod ni SFO2 Leo Andicoy sa Mandaue City Fire Station na ang mga nasunog puros mga residential houses.
Nikabat usab sa P650,000 ang danyos sa maong sunog.
Hinuon daling nitubag ang kagamhanan sa dakbayan sa Mandaue pinaagi sa Mandaue City Social Welfare Services sa mga gikinahanglan sa mga biktima.
Sa pagkakarong kasamtangang gipahiluna sa Tingub Elementary School ang mga biktima para sa dugang ayuda. (Renante Lada, photo credits to the owner & MCPO)